Вклучи се во WALKIIE

Вклучи се во WALKIIE

На младинскиот предизвик “Генерација без граници” 2019, поддржан од Фондација на Телеком, Уницеф и Сојузот на извидници на Македонија, а имплементиран од СмартУП – Лабараторија за иновации, тимот “Нешто Нетипично” од Цма Крик победи и  почна да ја разработува идејата за  мобилна апликација наменета за лица со попреченост и лица со типичен развој – кои ќе бидат волонтери и ќе им го олеснат на лицата со попреченост излегувањето надвор, но и да им помогнат на родителите на засегнатите страни.

Името на апликацијата ќе биде Walkiie, односно логото кажува дека двете И се поврзуваат и станува Walkme, ( оди со мене, однеси ме)

Тимот вели: “Она што најмногу ни е потребно е да допреме до родителите и старателите на лицата со попреченост, но и сите оние млади кои би сакале да се пријават како волонтери.”

“За жал, лицата со попреченост многу ретко или воопшто не можат самостојно да излегуваат од своите домови или институциите во кои живеат. Тоа ја попречува нивната социјализација и реализација како личности. Она што го увудив во последните две години работејќи со нив е дека им треба само малку од нашата поддршка и помош Токму затоа сметаме дека оваа апликација ќе биде од помош за двете страни – лицата со попреченост ќе излегуваат почесто, а волонтерите ќе го искористат времето на вистинскиот начин”– Елена Божиновска

“Она што го научив работејќи со лицата со попреченост е дека лек за интелектуалната попреченост за сега не постои , но постоиме ние и можеме да им бидеме огромна поддршка. Од психолошки гледан аспект, поради одредените ограничувања во когнитивното функционирање и вештини, вклучително и комуникациски, социјални и вештини за самогрижа на лицата со интелектуална попреченост доведува до проблем за извршување на нивните социјални активности кои ние ги согледавме”– Ѕвезда Иванова

“Тешко ми е сам да се снајдам и не можам сам во автобус или низ град. Подобро ми е ако има некој со мене да ми покаже каде треба да одам и повеќе време да поминувам надвор”– Лазе Димов ( лице со попреченост)

Во недела на 8ми март во 12 часот, на Школка, токму на денот на жената е закажан настанот за презентација на апликацијата, можност за пријавување на волонтерите кои се заинтересирани и дружење со лицата со попреченост преку интересни игри.

Доколку сте заинтересирани да се вклучите како волонтер, лице на кому му е потребна поддршка или родител на лице кое му е потребна поддршка, пополнете ја следнава форма https://docs.google.com/forms/d/e/1FAIpQLSd4G260r6nbuT0vYIgeSA8lYPO9HO3zaDNwJko1yvrs_wVsYg/viewform

Можност за поддршка и повеќе информации:

Facebook: https://www.facebook.com/walkiieapp/ (WalkiieApp)

Instagram: https://www.instagram.com/walkiie_app/ ( walkiie_app)

Email: walkiieapp@gmail.com

Web site: http://walkiie.com/

Локација:
Скопје
Рок за аплицирање:
/
Како да аплицирате:
https://docs.google.com/forms/d/e/1FAIpQLSd4G260r6nbuT0vYIgeSA8lYPO9HO3zaDNwJko1yvrs_wVsYg/viewform

Share this:

About the Author

Avatar

КРИКЦма Крик е младинска организација формирана во 2012. Целна група со која Крик работи се млади лица со типичен развој и млади лица со сензорна и ментална попреченост. Крик работи на развој на младинска работа и понуда на активности за личен и социјален развој на млади на локално и меѓународно ниво. На национално ниво, Крик е дел од одборот на Сојузот на младинска работа. Исто така сме дел од Националниот младински совет на Македонија.На меѓународно ниво работиме во склоп на програмата Еразмус +. Реализираме голем број на меѓународни активности за млади како младински размени, обуки и ЕВС програмата. Од 2014 година Крик е акредитиран за примање и праќање на ЕВС волонтери. Досега имаме примено и пратено голем број на волонтери на ЕВС. Моментално имаме волонтер од Германија кој работи во нашата организација на период од 1 год. Работиме и на стратешки партнерства на тема вклучување на маргинализирани групи во секојдневни активности.На локално ниво имаме младински програми и разни обуки, работилници, неформални дружби и забави. Од август 2015 год, канцелариите на Крик се наоѓаат во Стара Чаршија, во Безистенот. Делиме простории со кафич Shot Bar. Долниот дел е кафич кој работи после 17:00 часот,а горниот се канцеларии на Крик. Долниот дел исто така се користи за разни активности како обуки и работилници. Како организација која работи со маргинализирани групи имаме развиено база од младински работници кои имаат вештини да работат во интегрирани групи. Активностите често ги реализираме во нашите простории или директно во специјалните училишта за глуви Партение Зоогрфски, или училиштето за слепи Димитар Влахов.

View all posts by КРИК

Leave a Reply