Повик за асистент на проектот „МладиХАБ – дигитална младина“

Повик за асистент на проектот „МладиХАБ – дигитална младина“

Проектот MladiHUB – Дигитална младина е имплементиран од Националниот младински совет на Македонија (НМСМ) и Стопанската комора за информатички и комуникациски технологии – МАСИТ,а  поддржан од Британската амбасада Скопје. 

Целта на проектот е да ги унапреди дигиталните вештини на младите луѓе и да ја зголеми нивната вработливост преку понуда на курсеви и академии за дигитални вештини во замена за извршена волонтерска и општокорисна работа во заедницата. Во зависност од вештините, интересите и потребите на заедниците во кои живеат, младите ќе треба да учествуваат во иницијативите во заедницата, стекнувајќи ваучер кој ќе овозможи пристап до обука за дигитални и меки вештини. До крајот на проектот, младите луѓе во нашата земја ќе имаат платформа и поддршка за да ги добијат иподобрат своите дигитални вештини и да одговорат на дигиталната трансформација на економијата. Ова ќе ги подобри можностите за вработување, ќе промовира иновации и со тоа  ќе го поддржи економскиот развој на Република Северна Македонија.

Опис на главните работни задачи

  • Спроведување на проектни активности во координација со проектен координатор и координатор за комуникација;
  • Подготовка и реализација на логистички активности и настани;
  • Подготовка на содржини за зголемување на видливоста на активностите кои произлегуваат од проектот;
  • Oрганизација и учество на обуки и состаноци кои произлегуваат од проектот;
  • Комуникација со проектни партнери и соработници
  • Подготовка на извештаи за организираните активности и својата работа;
  • Организација, имплементација и поддршка на останати активности на НМСМ;
  • Редовна координација со Генералниот секретар, Управен одбор и останатите членови на секретаријатот за тековни работи и обврски на Секретаријатот.

 

Потребни знаења и вештини на кандидатите:

  • Високо образование (во тек или завршено);
  • Искуство во подготовка и реализација на настани;
  • Одлично познавање на Microsoft Office алатките, познавање на алатки за дизајнирање и креирање на интерактивни содржини ќе се смета за предност;
  • Одлични комуникациски вештини, со високо ниво на говорен и пишан Англиски јазик.
  • Познавање на Албански јазик ќе се смета за предност;
  • Познавање и искуство  со водење на социјални мрежи ;
  • Вештини за обработка на податоци;
  • Познавање на административно – техничките процедури на меѓународните донатори ќе се смета за предност;
  • Способност да работи со тим, под притисок и во ограничена временска рамка;
  • Способност за непречена комуникација со организации, добавувачи и партнери;
  • Познавање на работата на НМСМ, како и на граѓанскиот сектор во Р. Македонија;
  • Членување во организација членка на НМСМ ќе се смета за предност;
  • Можност да работи за време на викенди;
  • Можност да патува во рамките на државатa и надвор за потребите на организацијата.

 

Услови за работа:

Позицијата е со работно време од 40 часа неделно во Скопје. Селектираните кандидати ќе бидат ангажирани со потпишување на договор за 6 месеци, со можност за продолжување.

Плата: 21,000 денари нето.

Рок и начин на пријавување:

Рок на аплицирање до 1 декември, 2019 година, 23:59 часот;

Избраниот кандидат ќе започне со работа најдоцна до 15ти декември

Сите заинтересирани кандидати треба да ги достават следниве документи:

  • Кратка биографија  (CV на македонски јазик);
  • Мотивациско писмо на македонски јазик.

На електронската адреса  applications@nms.org.mk  со наслов/назнака [име и презиме] – Проектен асистент во НМСМ – МЛАДИХаб 

*Само селектираните лица за интервју ќе бидат известени.

*Сите апликации по наведениот рок нема да бидат земени предвид

Share this:

Leave a Reply